Samuxda avtomobil ağaca çırpıldı - Xəsarət alanlar var

Samux rayonunda iki nəfərin xəsarət almsası ilə nəticələnən yol qəzası baş verib.

Teleqraf.com-un Qərb bürosu xəbər verir ki, hadisə rayonun Sərkar kəndində qeydə alınıb.

31 yaşlı Kamran Cəlilov idarə etdiyi avtomobili ağaca çırpıb. Nəticədə sürücü və maşında olan nişanlısı, Göygöl rayon sakini olan qadın müxtəlif dərəcəli bədən xəsarətləri alıb.

Yaralılardan sürücü Abbas Səhhət adına Birləşmiş Xəstəxanaya, sərnişin isə özəl xəstəxanalardan birinə yerləşdirilib. K. Cəlilovun vəziyyəti ağır qiymətləndirilir.

İlkin məlumata görə, qəzaya səbəb avtomobildə şinin partlaması olub. Faktla bağlı araşdırma aparılır.