Gəncədə şortikə görə yaranan mübahisə bıçaqlanma ilə bitdi - Yeniləndi

Samux rayon sakini, 54 yaşlı İlimşah Şahvələdovun Gəncə şəhərində bıçaqlanmasının təfərrüatları məlum olub.

Teleqraf.com-un Qərb bürosu xəbər verir ki, şortik üstündə yaranan mübahisə sonda bıçaqlanma ilə bitib.

İ.Şahvələdov Adilxan Ziyadxanov küçəsi ilə Atatürk prospektinin kəsişməsində yerləşən yataqxanada kirayədə yaşayırmış.

İlkin məlumata görə, o, həyətə şortiklə düşüb. Bu zaman bir qrup şəxs buna etiraz edib. Nəticədə tərəflər arasında mübahisə yaranıb. Mübahisə qızışaraq əlbəyaxa və bıçaqlı davaya çevrilib.

Nəticədə İ.Şahvələdov çiyin nahiyəsindən iki bıçaq zərbəsi alıb. Yaralı xəstəxanaya çatdırılıb və əməliyyat olunub.

Hadisəni törətməkdə 43 yaşlı Emin Dünyamalıyev şübhəli bilinir.

Hadisə yerinə hüquq-mühafizə orqanlarının əməkdaşları cəlb olunub.

Araşdırma aparılır.

***

17:00

Samux rayon sakini, 54 yaşlı İlimşah Şahvələdov Gəncə şəhərində bir neçə nəfər tərəfindən bıçaqlanıb.

Teleqraf.com-un Qərb bürosu xəbər verir ki, hadisə Adilxan Ziyadxanov küçəsində baş verib.

İlkin məlumata görə, İ.Şahvələdova bir neçə bıçaq zərbəsi vurulub. Yaralı Gəncədə xəstəxanaya yerləşdirilib. Vəziyyəti ağırdır.

Faktla bağlı araşdırma aparılır.