Sabunçuda mağazadan 3 min manatlıq telefon oğurlandı

Bu barədə Teleqraf.com-a Daxili İşlər Nazirliyinin mətbuat xidmətindən məlumat verilib.

Bildirilib ki, Sabunçu rayonu Zabrat qəsəbəsi ərazisində yerləşən mağazaların birindən 3000 manat dəyərində mobil telefon və aksesuarların oğurlanması barədə polisə məlumat daxil olub.

Polis əməkdaşlarının keçirdikləri tədbirlərlə oğurluq əməlini törətməkdə şübhəli bilinən, əvvəllər də eyni əmələ görə məhkum olunmuş 27 yaşlı A.Xudaverdiyev müəyyən olunaraq saxlanılıb. Araşdırma aparılır.