Vitse-spiker Qazaxıstana gedir

Milli Məclis sədr müavini Valeh Ələsgərovun başçılığı ilə deputatlar Xanlar Fətiyev, Adil Əliyev və Nizami Cəfərov martın 20-də Qazaxıstanda keçiriləcək növbədənkənar parlament seçkilərini müşahidə etmək üçün Astana şəhərində səfərdə olacaqlar.

Teleqraf.com xəbər verir ki, Valeh Ələsgərov və Xanlar Fətiyev MDB Parlamentlərarası Assambleyasının, Adil Əliyev MDB İcraiyyə Komitəsinin, Nizami Cəfərov isə Türkdilli ölkələrin Parlamentlərarası Assambleyasının xətti ilə seçkinin müşahidəçilər missiyasına qatılacaqlar. Səfər zamanı deputatlarımız bir sıra seçki məntəqələrində olacaq, seçicilərin fəallığını müşahidə edəcək, prosesin gedişi ilə bağlı fikirlərini açıqlayacaqlar.

Qeyd edək ki, Astana səfəri martın 21-də başa çatacaq.

Nemət