Azərbaycan millisinin Avropa çempionatı üçün heyəti açıqlandı

Futzal üzrə Azərbaycan millisinin Avropa çempionatının əsas mərhələsində Xorvatiya və Yunanıstanla keçirəcəyi oyunlar üçün heyəti açıqlanıb.

Teleqraf.com xəbər verir ki, yanvarın 27-də və 28-də Bakıda təlim-məşq toplanışı keçirəcək yığmanın düşərgəsinə 3-ü qapıçı olmaqla, 15 futzalçı dəvət olunub

Həmin oyunçular bunlardır: Emin Kürdov ("Araz-Naxçıvan"), Rövşən Hüseynli ("Astana", Qazaxıstan), Fərid Abbasov ("Baku Fire"), Emil Həsənzadə ("Neftçi"), Xəzər Ağalızadə ("Araz-Naxçıvan"), Tofiq Mikayılov ("Baku Fire"), Kənan Manafov ("Baku Fire"), Oktay Rüstəmli ("Baku Fire"), Nihad İsmayılov ("Baku Fire"), Fərid Atakişiyev ("Neftçi"), Ülvi Əliyev ("Araz-Naxçıvan"), Mirzə Əmirov ("Neftçi"), Seymur Məmmədov (Klubsuz), Nurlan Mehdizadə ("Baku Fire"), Cavad Məmmədov ("Baku Fire").

Baş məşqçi Vitali Borisov 2 gün davam edəcək məşqlərdən sonra səfərə aparacağı 14 futzalçını müəyyənləşdirəcək. Komanda yanvarın 29-da Bakı-İstanbul-Zaqreb reysi ilə Xorvatiyaya yola düşəcək.

Qeyd edək ki, milli komanda Avropa çempionatında yanvarın 31-də səfərdə Xorvatiya ilə, fevralın 4-də isə Bakıda Yunanıstanla qarşılaşacaq.