Tuba Büyüküstün rekord qonorara o seriala keçdi

Türkiyəli məşhur aktrisa Tuba Büyüküstün "Səfirin qızı" serialına rekord qonorarla transfer olub.

Teleqraf.com xəbər verir ki, 38 yaşlı aktrisa serialdan üç milyon lirə qonarar alıb. Bununla yanaşı o, bölüm başına 200 min lirə qazanacaq.

6 ildən sonra aktyor Engin Akyüreklə kamera qarşısına keçən Tuba Büyüküstün deyib: "Altı il idi görüşmürdük. Enginlə qarşılaşan zaman hiss etdim ki, sanki aradan bu qədər zaman keçməyib".

Qeyd edək ki, serialdan aktrisa Nəslihan Atagül səhhətindəki problemə görə ayrılıb.

Tuba Büyüküstün Engin Akyüreklə "Kara Para Aşk" serialında tərəf-müqabil olub.