Murad Arifdən rusiyalı məşhurun qızının Bakı konsertinə etiraz

Müğənni-bəstəkar Murad Arif rusiyalı aktyor Vitali Qoqunskinin qızı Milana Starın Bakıda baş tutacaq konsertinə etiraz edib.

Teleqraf.com xəbər verir ki, Murad Arif sosial şəbəkədə aktyorun qızı Milana Starın Bakı Musiqi Akademiyası nəzdində Opera Studiyasının Konsert salonunda iyunun 14-də baş tutacaq konserti haqqında bu sözləri yazıb:

"Rus aktyor, ermənipərəst Qoqunski 44 günlük müharibədə dayanmadı, Martirosyan, Qalustyan demədi, bütün erməni səhifələrində yatdı, erməni xalqının dərdinə yandı, dünyanı "vəhşi azərbaycanlıların" zülmünə "stop" deməyə çağırdı.

Azərbaycanlılar da həmişəki kimi Qoqunskinin balası Milanaya qucağını açıb, ona konsert təşkil etdilər. Xasiyyətimizin həddi-hüdudu var?".