Ramiz Novruzun gəlini: "O insan dil uzadar ki, özü, qızı ağ kağız olsun"

Xəbər veriyimiz kimi, mərhum xalq artisti Ramiz Novruzun qızı Şəfəq Novruz sosial media hesabında video paylaşaraq ad çəkmədən ailəsinə aid bir şəxsin ünvanına ismarış göndərib.

Teleqraf.com xəbər verir ki, həmin şəxsin Şəfəq Novruzun qardaşı Nəriman Novruzun həyat yoldaşı Əzizə Novruzova olduğu iddia edilib.

Belə ki, Əzizə Novruzova İnstaqramda hekayə bölümündə bu sözləri yazıb: “Elin gözü tərzidir. Hər kəs öz mədəniyyət və tərbiyəsinə görə davranır. Mən sizə sübut, detallarla açıqlama verəcəm ki, kim kimdir. Bu gün susqunluğum boş yerə deyil, sadəcə izləmək idi. Mən heç vaxt baş qoşmamışam, yola vermişəm ki, ayıbdır. Səviyyəmi itirməyim, sakit durub kənardan izləyib gülmüşəm. Çünki ən gözəl cavab susmaqdır. Amma indi az da olsa açıqlama verməliyəm, çünki dil uzatdılar. O insan dil uzadar ki, özü, qızı ağ kağız olsun. Bunu sizə sosial şəbəkədə canlıda sübutla danışacam”.

Qeyd edək ki, Şəfəq Novruz isə sosial media hesabında qarşı tərəfin canlı yayım açacağı təqdirdə o da canlıya qoşulacağını vurğulayıb: “Eşitdiyimə görə maraqlı canlı olacaq, özü də ikitərəfli. Eyni zamanda bizi də sosial şəbəkədə canlıda gözləyin. Bütün böhtanlara cavab verəcəm, onun öz gözünün qabağında gül kimi böyüdüyü uşağa atılan ləkələrə cavabını verəcəm”.