“My name is İntiqam 2-Moldova”nın premyerası olacaq

Nizami Kino Mərkəzində oktyabrın 28-də “My name is İntiqam 2-Moldova” filminin qala gecəsi keçiriləcək.

Bu barədə Teleqraf.com-a aktyor Müşfiq Şahverdiyev məlumat verib. Aktyor qeyd edib ki, “My name is İntiqam 2-Moldova” filminə rəqib olacaq komediya filmi yoxdur. Onun sözlərinə görə, film yüksək peşəkarlıqla ekranlaşdırılıb: “Bu filmin keyfiyyətinə, sanbalına güvənirik. İnanıram ki, bu mövsümdə çəkilən filmlərdən heç biri “My name is İntiqam 2-Moldova”ya rəqib ola bilməyəcək. Film nümayiş olunduqdan sonra komediya janrında çəkilən filmlər arasında öz liderliyini qoruyacaq”.

Aktyor yeni komediya filmi çəkəcəklərini də vurğuladı: “Yeni bir film də çəkməyi düşünürük. Görək “My name is İntiqam 2-Moldova” filmi tamaşaçılar tərəfindən necə qarşılanacaq?”

Qeyd edək ki, filmin rejissoru İlham Yaşaroğlu, ideya müəllifi Fariz Əliyevdir.

Rəqsanə