İlham Əliyev Rusiya Prezidentinə başsağlığı verdi

Azərbaycan Prezidenti İlham Əliyev Rusiya Federasiyasının Prezidenti Vladimir Putinə başsağlığı verib.

Teleqraf.com xəbər verir ki, Rusiya Federasiyasının Prezidenti Vladimir Putinə verilən başsağlığında deyilir: “Hörmətli Vladimir Vladimiroviç, Kareliyadakı Syamozero gölündə fırtına nəticəsində uşaqların həlak olması xəbəri məni dərindən kədərləndirib.

Azərbaycan xalqı adından və şəxsən öz adımdan Sizə, həlak olanların doğmalarına və yaxınlarına, bütün Rusiya xalqına dərin hüznlə başsağlığı verirəm”.