700 bal yığan Elmir: “Hələ X sinifdə istədim ki…”

700 bal toplayacağımı gözləyirdim.

Bunu teleqraf.com-a Dövlət İmtahan Mərkəzinin bazar günü keçirdiyi imtahanlarda maksimum nəticə göstərən abituriyent, akademik Zərifə Əliyeva adına liseyin məzunu Elmir Əhmədov deyib.

Birinci ixtisas qrupuna imtahan vermiş Elmir Əhmədovun sözlərinə görə, 700 bal toplamaq onun üçün təəccüblü olmadı:

“Mən və müəllimlərim də bu nəticəyə inanırdıq. Hətta özümü imtahana hazır bilib, 10-cu sinifdə qəbul imtahanini vermək istəyirdim. Təəssüf ki, bu, mümükün deyildi”.

Elmir Əhmədov qeyd edib ki, 10-cu sinifdən əlavə hazırlıqlara gedib:

“Təhsilimi Baki Ali Nefti Məktəbinin Proseslərin Avtomatlaşdırılması Mühəndisliyi üzrə davam etmək istəyirəm. Gələcəkdə təhsilimin digər pillələrini xaricdə davam etdirmək arzusundayam".

Qeyd edək ki, Dövlət İmtahan Mərkəzinin may ayının 7-də I və IV ixtisas qrupları üzrə keçirdiyi qəbul imtahanında 7 nəfər abituriyent 700 bal toplayıb.

İlhamə