50 yaşlı azərbaycanlı qadın müğənni ailə qurur

Xalq artisti Aygün Bayramova ailə həyatı qurur.

Teleqraf.com-un əldə etdiyi məlumata görə, Aygün Bayramova mayın 23-də məkanların birində özünə toy edəcək.

Həmkarları xəbəri təsdiqləyərək toya dəvətli olduqlarını deyiblər.

Aygün Bayramova əməkdaşımızla söhbətində ailə həyatı qurması haqqında danışmaq istəmədiyini deməklə xəbəri dolayı təsdiqləyib.

1967-ci ildə anadan olmuş Aygün Bayramova 1989-cu ildə A.Zeynallı adına Bakı musiqi texnikumunu Şövkət Ələkbərovanın sinfi üzrə bitirib.

1995-ci ildə Ü.Hacıbəyli adına Azərbaycan Dövlət Konservatoriyasında təhsilini tamamlamışdır.

1989-cu ildən Muğam Teatrının solistidir. 2003-cü ildən Azərbaycan Dövlət Akademik Opera və Balet Teatrının solistidir.

Rəqsanə