Deputat tələbə adı qazanan ata-balaya zəng etdi – Foto

Milli Məclisin deputatı Aydın Mirzəzadə Ağcabədi rayon Sarıcalı kəndinin sakini Kərəm Süleymanova zəng edib.

Teleqraf.com xəbər verir ki, deputat bu barədə sosial şəbəkədəki hesabında bildirib:

“Bu gün Ağcəbədi rayon Sarıcalı kəndinin sakini Kərəm Süleymanovun qızı Nərgiz Süleymanova ilə birgə Bakı Dövlət Universitetinin informatika müəllimliyi ixtisasına qəbul olunması xəbərini oxudum.

Kərəm müəllimin mobil telefon nömrəsini taparaq ona zəng vurdum, özünü və qızını bayramları və uğurları münasibətilə təbrik etdim. Onun bu addımının cəmiyyətə yaxşı bir nümunə olduğunu vurğuladım. Qurban bayramından sonra görüşmək qərarına gəldik”.

Qeyd edək ki, K.Süleymanov və N.Süleymanova bu il Azərbaycan universitetlərinə keçirilən imtahanlara əsasən eyni universitetə qəbul olunublar. Onlar Bakı Dövlət Universitetinin İnformatika müəllimliyi ixtisası üzrə təhsil almaq hüququ qazanıblar.