Novruz Məmmədovdan təşəkkür mesajı

Baş nazir Novruz Məmmədov Qurban bayramı münasibətilə onu təbrik edənlərə təşəkkür edib.

Teleqraf.com xəbər verir ki, N.Məmmədovun “Feysbuk” sosial şəbəkəsindəki hesabında yerləşdirdiyi mətndə deyilir:

“Qurban bayramı münasibəti ilə mənə ünvanladığınız xoş sözlərinizə, təbrik və mesajlarınıza görə hər birinizə təşəkkür edirəm”.

Qeyd edək ki, Baş nazir avqustun 21-də Azərbaycan xalqını Qurban bayramı münasibətilə təbrik etmişdi. “Mənəvi saflığı, yüksək əxlaqi dəyərləri tərənnüm edən, xeyirxahlıq və birlik rəmzi olan Qurban bayramı münasibətilə bütün izləyənləri təbrik edirəm. Bu əziz bayramda hər birinizə xoşbəxtlik, can sağlığı, ruzi-bərəkət və firavan həyat arzulayıram. Qurbanlarınız qəbul olsun”, – N.Məmmədovun təbrik mətnində belə deyilirdi.