Veteran jurnalist dünyasını dəyişdi – Foto

Tanınmış veteran jurnalist Oqtay Cəfərov ömrünün 85-ci ilində vəfat edib.

Teleqraf.com xəbər verir ki, bu fikirlər Azərbaycan Mətbuat Şurasının yaydığı nekroloqda öz əksini tapıb.

Qeyd olunub ki, O.Cəfərov 1952-ci ildə Bakı Dövlət Universitetinin jurnalistika şöbəsinin ikinci buraxılışının məzunu olub. Jurnalist fəaliyyəti müddətində Göyçay rayonunda çıxan yerli qəzetin, Sumqayıtın “Kimyaçı” qəzetinin, “İnşaatçı” qəzetinin, həmçinin "Müxbir" jurnalının baş redaktoru olub:
“Ömrünün 60 ili mətbuatda keçmiş Oqtay Cəfərov jurnalist peşəsinə hədsiz sədaqət, prinsipiallıq nümunəsidir.

Hər zaman təşəbbüskarlığı, fəallığı, səriştəli idarəçilik qabiliyyəti ilə seçilmiş Oqtay Cəfərovun yoxluğunu qəbul etmək olduqca ağırdır, üzücüdür. Azərbaycan Mətbuat Şurasının İdarə Heyətinin üzvləri bir daha mərhumun doğmalarına, əzizlərinə, həmkarlarına və dostlarına başsağlığı diləklərini çatdırır, səbr diləyirlər. Allah rəhmət eləsin”.