“Məhsul” stadionunda təmir nə vaxt başa çatacaq? - Açıqlama

“Yasamal rayon mərkəzində son illər təmirsiz qalan azsaylı idman məkanlarından biri olan “Məhsul” stadionunda uzun illər əsaslı təmir aparılmayıb. Baxımsız qalması səbəbindən pis vəziyyətə düşən stadionda təmir-bərpa işləri aparılır. Həmkarlar İttifaqlarının İdman Təşkilatlarını İctimai Birliyi Sağlamlıq Kompleksində (keçmiş “Məhsul” stadionu) təmir işləri maliyyə vəsaitinin çatışmazlığı səbəbindən bir müddət dayanmışdı. Hazırda bu məsələ həll olunduğundan təmir-bərpa işləri davam etdirilir”.

Bu sözləri Teleqraf.com-a Azərbaycan Həmkarlar İttifaqları Konfederasiyasının (AHİK) mətbuat və ictimaiyyətlə əlaqələr şöbəsinin müdiri Nazim Ağamirov Həmkarlar İttifaqlarının İdman Təşkilatları İctimai Birliyi Sağlamlıq Kompleksinin (keçmiş “Məhsul” stadionu) təmiri məsələsinə münasibət bildirərkən deyib.

O bildirib ki, təmir tikinti işlərinin bərpası 2020-ci ildə bitəcək: “Dəqiq ay məlum olmasa da əminliklə deyə bilərik ki, stadion 2020-ci ildə tam hazır olacaq”.