"Kimliyindən asılı olmayaraq şübhəlilər karantinə alınır" - TƏBİB

"Kimdə koronavirus aşkarlanmasından asılı olmayaraq, onunla təmasda olan hər kəs karantinə alınır. Xəstələr aşşkarlandıqca, uyğun prosedurlara uyğun karantinə alınma prosesi həyata keçirilir".

Bunu Teleqraf.com-a açıqlamasında TƏBİB-in mətuat xidmətinin rəhbəri Rəvanə Əliyeva deyib.

O bildirib ki, xəstə hüquqlarına uyğun olaraq karantində olan şəxslər barəsində məlumat verilmir. Xatırladaq ki, Cəlilabad Rayon İcra Hakimiyyəti başçısının müavini - Sosial-iqtisadi inkişafın təhlili və proqnozlaşdırılması şöbəsinin müdiri Alıcı Dilavərovda koronavirus testinin nəticəsi pozitiv çıxıb. Hazırda o və qurumun bütün işçiləri karantinə alınıb.