Yol polisi azad olunmuş rayonlara nişan quraşdırır - Foto

Baş Dövlət Yol Polisi İdarəsinin Siqnal İdarəsi Azərbaycan ordusu tərəfindən işğaldan azad olunmuş ərazilərin adlarının əks olunduğu nişanları hazırlayıb.

Bu barədə Teleqraf.com-a İdarədən məlumat verilib. Bildirilib ki, yeni lövhələr yaxın günlərdə həmin şəhər və rayonların, eyni zamanda kəndlərin girişinə vurulacaq.

Qeyd edək ki, yol polisi digər bütün işğaldan olan bölgələrin adlarının əks olunduğu lövhələri hazırlayacaq. İşğaldan azad olunduqca müvafiq nişanlar təmin olunacaq.
Rəşadətli ordumuzun hər gün işğaldan azad etdiyi rayonlar tezliklə yenidən öz adlarına qovuşacaq. Fotoları təqdim edirik: