Əməkdar həkim vəfat etdi

Əməkdar həkim, Azərbaycan Tibb Universitetinin Ailə təbabəti kafedrasının müdiri Mustafa Salihov vəfat edib.

Teleqraf.com xəbər verir ki, o, 80 yaşında dünyasını dəyişib.

Mustafa Salihov 1942-ci ildə Bakı şəhərində anadan olub. 1960-cı ildə N. Nərimanov adına Azərbaycan Dövlət Tibb İnstitutunun müalicə-profilaktika fakültəsinə daxil olub. 1971-ci ildə aspiranturanı bitirən Mustafa Salihov Azərbaycan Tibb İnstitutunun hospital terapiya kafedrasına assistent, sonra isə dosent vəzifələrinə seçilib.

1981-1984-cü illərdə Əlcəzairdə çalışıb. 1987-ci ildə Azərbaycanın baş terapevti vəzifəsinə təyin edilib. 2002-ci ildə ATU-nun Böyük Elmi Şurasının qərarı ilə poliklinik terapiya kafedrasının bazasında Azərbaycanda ilk dəfə “Ailə təbabəti kafedrası” təşkil olunub. Mustafa Salihov kafedraya rəhbər təyin olunub.

2010-cu ildə ona Azərbaycanın Əməkdar həkimi fəxri adı verilib.