"Yeməkxana müdiri tələbəyə töhmət verə bilməz..." - Universitetdə qalmaqal

Xəzər Universitetinin yeməkxanasının divarına vurulmuş elan etiraza səbəb olub. Elanda tələbələrə kənardan yemək gətirmək qadağası qoyulub, əks halda töhmət veriləcəyi qeyd edilib.

Univeritetin İctimai əlaqələr və media üzrə direktoru Əlövsət Əmirbəyli Teleqraf.com-a açıqlamasında elanın yeməkxanadan götürüldüyünü bildirib.

"Özüm səhər saat 7:30-da elanı qoparıb atmışam. Qanunsuz elan idi. Yeməkxana müdiri səlahiyyət həddini aşıb. Bu məsələ ilə bağlı onu rektorluğa dəvət etdik, bu gün tədbir görüləcək. Qadın müdir haqsız bir işə əl qoyub. Tələbəyə töhmət vermək yeməkxana müdirinin səlahiyyətinə aid deyil".