“Elektron hökumət”ə müraciət edənlərin 21,7 faizi yeni istifadəçilər olub

Noyabr ayı ərzində “Elektron hökumət” portalına müraciət edənlərin 21,7 faizini yeni istifadəçilər, 78,3 faizini isə təkrar müraciət edənlər təşkil edib.

Teleqraf.com xəbər verir ki, bu müddətdə portala 295,511 daxilolma qeydə alınıb.
Portala müraciət edənlərin ümumi sayı isə 95,426 nəfər olub. Həmin şəxslər 1,201,418 olmaqla, müxtəlif sahələrə keçid ediblər, 501,534 xidmətə müraciət ediblər və portala sərf etdikləri vaxt ortalama 6 dəqiqə 27 saniyə təşkil edib.

Qeyd edək ki, ümumilikdə indiyədək 1,067,420 nəfər 3,255,455 dəfə “Elektron hökumət” portalına baxıb və 6,116,306 dəfə elektron xidmətlərə müraciət ediblər.

İLHAMƏ