Kütləvi məzarlıqda 4 nəfərə aid meyit qalığı müəyyən edilib - Səmədov

Şuşa həbsxanasının həndəvərində aşkar olunan kütləvi məzarlıqda dörd nəfərə aid meyit qalığı aşkarlanıb.

Teleqraf.com xəbər verir ki, bunu Dövlət Komissiyasının İşçi qrupu rəhbərinin müavini Eldar Səmədov deyib.

Onun sözlərinə görə, Şuşa həbsxanasında 360 əsir girov saxlanılıb: "Səylərimiz nəticəsində 216 nəfər azad edilib. Amma digərlərinin taleyi məlum deyil. Bu məzarlıqla dörd nəfərə aid meyit qalığı müəyyən edilib. Axtarış araşdırma işləri davam edəcək. Bura ayrıca mütəxəssis qrupu da göndəriləcək".