ABŞ Senatı Prezidenti Barak Obamanın Ankara səfirliyinə namizəd göstərdiyi Con Bassın təyinatını təsdiqləyib.

Axar.az xəbər verir ki, səsvermədə Bassın namizədliyi yekdilliklə qəbul olunub.

Xatırladaq ki, Bass 2004-2005-ci illərdə ABŞ vitse-prezidenti Dik Çeyninin Avropa və Avrasiya məsələləri üzrə xüsusi müşaviri olub. 2009-2012-ci illərdə Gürcüstan səfiri olan Bass 2005-2008-ci illərdə Dövlət Departamentinin Əməliyyatlar Mərkəzinə rəhbərlik edib.

Bu təyinata qədər Con Bass Dövlət Katibliyində İdarəçi katib və Con Kerrinin xüsusi assistenti vəzifəsini yerinə yetirirdi.