Qroznıya çatana qədər təyyarədə heç bir texniki problem olmayıb

25 dekabr 2024-ci ildə Bakıdan J2-8243 reysi ilə Qroznı şəhərinə uçan “Azərbaycan Hava Yolları” QSC-yə məxsus Embraer 190-100 IGW təyyarəsi havaya qalxandan Qroznıya çatana qədər uçuşa tam yararlı vəziyyətdə olub.

Teleqraf.com xəbər verir ki, bu məlumatlar FDR vasitəsilə öz təsdiqini tapıb.

Araşdırmanın ilkin hesabatında deyilir ki, hava gəmisinin mühərriklərinin hər ikisi qəza anına qədər hər hansı texniki problem olmadan çalışıb.