Poroşenkodan sərt açıqlama: "Rus dili heç vaxt dövlət dili olmayacaq"

Bu gün Ukrayna prezidenti Pyotr Poroşenko ölkə ictimaiyyətinin diqqətini çəkən maraqlı açıqlama ilə çıxış edib. O, Ukraynada rus dilinin heç vaxt dövlət dili olmayacağını bildirib.

Teleqraf.com-un UNİAN-a istinadən məlumatına görə,Poroşenko yalnız Ukrayna dilinin dövlət statusuna malik olduğunu deyib.

Poroşenko Ukraynada milli dövlətçilik ənənələrinin mövcudluğunun və dərinləşdirilməsinin ukraynalıların doğma ana dilinin dövlət dili statusuna malik olması ilə bağlı olduğunu vurğulayıb: "Ukrayna dili yaşayırsa - dövlətimiz də yaşayır".