İrandan Atom Enerjisi Agentliyinin qərarına etiraz

İranın xarici işlər naziri Hüseyn Əmir Abdullahian Beynəlxalq Atom Enerjisi Agentliyinin (BAEA) İranla bağlı qərarını siyasi hesab etdiklərini bildirib.

Teleqraf.com xəbər verir ki, bunu İranın XİN başçısı mətbuat konfransı zamanı vurğulayıb.

“Atom Enerjisi üzrə Beynəlxalq Agentliyin qərarına lazımi cavabı verəcəyik”.

Qeyd edək ki, BAEA İranın üç nüvə obyektində əvvəllər bəyan olunmamış uran hissəciklərinin aşkarlanması və iyunun 8-də İran əleyhinə qərar çıxardığı üçün araşdırmaya başlayıb.

Həmçinin, İranın nüvə obyektləri ilə bağlı verdiyi cavabları indiyədək yetərli görməyən BAEA 17 noyabr cümə axşamı günü 35 ölkədən 26-nın səsini alıb və İranı agentliklə əməkdaşlıq etməməkdə ittiham edərək ikinci qərarını verib.