İsrail "HƏMAS"a 90 fələstinli məhbusun siyahısını verəcək - Yeniləndi

İsrail azadlığa buraxılacaq 90 fələstinli məhbusun siyahısını HƏMAS-a təqdim edəcək.

Teleqraf.com xəbər verir ki, bu barədə "Reuters" agentliyi məlumat yayıb.

***

13:00

Fələstin HƏMAS hərəkatının hərbi qanadı olan Əl-Qəssam Briqadalarının rəhbərliyi mübadilə razılaşması çərçivəsində 3 girovu yanvarın 19-da azad edəcəklərini bildirib.

Teleqraf.com xəbər verir ki, bu barədə hərəkatın teleqram kanalında məlumat verilib.

HƏMAS-ın hərbi qanadı azad etməyi planlaşdırdığı üç girovun adını açıqlayıb.

“Məhkum mübadiləsi sövdələşməsi çərçivəsində aşağıdakı məhbuslar azad ediləcək: Romi Conin (24), Emili Damari (28), Doron Ştanbar Xair (31),” nəşr yazır.

Qeyd edək ki, Qəzza zolağında bu gün səhər saatlarında planlaşdırılan atəşkəs təxirə salınmışdı. İsrailin baş naziri Benyamin Netanyahu HƏMAS İsrailə azad edilməli olan girovların siyahısını verməyənə qədər atəşkəsin başlanmayacağını demişdi. Bir müddət sonra İsrail hökuməti HƏMAS-dan mübadilə müqaviləsi çərçivəsində təhvil veriləcək girovların siyahısını aldığını açıqladı.