Gürcüstanın müxalifət partiyaları birlikdə parlamentdə hakim "Gürcü Arzusu" partiyasından daha çox yer qazanıblar.
Teleqraf.com xəbər verir ki, bu barədə məlumat müxalif "Formula" telekanalının sifarişi ilə keçirilən ekzit- pollun nəticələrində yer alıb.
"Edison Research" tərəfindən aparılan və telekanalın sifarişi ilə keçirilən sorğunun nəticələrinə görə, hakim Gürcü Arzusu Partiyası 40,9%, Birlik Milli Hərəkatı və Dəyişiklik Naminə Koalisiya partiyalarının hər biri 16,7%, Güclü Gürcüstan partiyası isə 10,3% səs toplayıb. "Qaxariya - Gürcüstan üçün" partiyası - 8,2%.
Beləliklə, nəticələrə əsasən “Gürcü arzusu” 67 mandat, müxalifət isə ümumilikdə 83 mandat qazanır.