"Avropa İttifaqı Ukrayna ərazisindən qaz tranzitini dayandırmağa hazırdır" - İtkonen

"Avropa İttifaqı (Aİ) Rusiya qazının Ukrayna ərazisindən tranzitini dayandırmağa hazırdır".

Teleqraf.com xəbər verir ki, bunu Avropa Komissiyasının (AK) rəsmi nümayəndəsi Anna-Kaisa İtkonen deyib.

O qeyd edib ki, tədarükün dayandırılması gözlənilən idi, ona görə də assosiasiya bəzi Avropa ölkələrinin narahatlığına baxmayaraq, buna hazırdır. İtkonen, AK-nin təsirə məruz qalan üzv dövlətlər üçün alternativ təchizatı təmin etmək üçün bir ildən artıqdır işlədiyini bildirib.