Rusiyadan alınan silahlar Ukraynaya verilir – Moskvadan xəbərdarlıq

Moskvanın yazılı razılığı olmadan YunanıstanınUkraynaya Rusiya silahlarını təhvil vermək hüququ yoxdur.

Teleqraf.com xəbər verir ki, bunu Rusiyanın Yunanıstandakı səfiri Andrey Maslov deyib.

“Rusiya ilə Yunanıstan arasında 30 oktyabr 1995-ci il tarixli hərbi-texniki əməkdaşlıq haqqında və 3 dekabr 2013-cü il tarixli hərbi təyinatlı məhsulların tədarükü ilə bağlı hökumətlərarası iki müqavilə var. Bu silahların ötürülməsi Rusiya tərəfinin yazılı razılığı olmadan mümkün deyil. Bu, Yunanıstanın beynəlxalq hüquqi öhdəliyidir”, - səfir bildirib.

Mediada Yunanıstanın vaxtilə Rusiyadan aldığı bəzi hava hücumundan müdafiə sistemləri və hərbi texnikaları Ukraynaya verə biləcəyi barədə məlumat yayılıb.