Suriyanın yeni lideri şərtini açıqladı – “İranla əlaqələr...”

Suriyanın yeni hökuməti İran da daxil olmaqla, böyük dövlətlərlə əlaqələrini kəsə bilməz.

Teleqraf.com xəbər verir ki, bunu Suriyanın yeni administrasiyasının rəhbəri Əhməd əl-Şara deyib.

Hökumət başçısı bildirib ki, Dəməşq və Tehran arasındakı münasibətlər diplomatik prinsiplərə, iki ölkənin suverenliyinə qarşılıqlı hörmət və daxili işlərə qarışmama prinsipinə əsaslanmalıdır.

İran xarici işlər naziri Abbas Əraqçi bundan əvvəl söyləmişdi ki, Tehranın yeni rəhbərliyə yanaşması onun mövqeyindən asılı olacaq.