Britaniyanın bəzi şəhərlərində Yeni il tədbirləri ləğv edildi

Böyük Britaniyada bir neçə şəhər güclü külək və yağış səbəbindən Yeni il gecəsi tədbirlərini ləğv edib.

Teleqraf.com xəbər verir ki, bu barədə "The Guardian" məlumat yayıb.

Nəşrin məlumatına görə, Bləkpul, Nyukasl Marina, Uayt adasında və Riponda bayram tədbirləri ləğv edilib. Britaniya Meteorologiya Xidməti yanvarın 2-dək demək olar ki, bütün ölkə ərazisində bir sıra hava xəbərdarlığı edib.

"Guardian"-ın məlumatına görə, dəmir yolu nəqliyyatı assosiasiyası "National Rail" yanvarın 2-dək Böyük Britaniyada qatarların hərəkətində mümkün problemlər barədə xəbərdarlıq edib.