Bu ölkələr Gürcüstan rəsmiləri üçün vizasız gediş-gəlişi ləğv etməyi planlaşdırır

Fransa, Almaniya, Polşa Avropa İttifaqının qərarına əsasən, Gürcüstanın diplomatik və xidməti pasportlarına malik olan şəxslərin ölkəyə vizasız girişinə qadağa tətbiq etmək niyyətindədir.

Teleqraf.com xəbər verir ki, bu barədə “Veymar üçbucağı”nın xarici işlər nazirlərinin birgə bəyanatında deyilir.

“Gürcü Arzusu-nun cavab olaraq siyasi repressiya kursu və demokratik geri çəkilişi Avropa və milli səviyyədə münasibətlərimizin səviyyəsinin aşağı düşməsinə, eləcə də Gürcüstan hakimiyyəti ilə yardım və əməkdaşlığımızın azalmasına səbəb olub”, - bəyanatda deyilir.