Meşə yanğınları Los-Ancelesi cənginə aldı

ABŞ-nin Kaliforniya ştatında tüğyan edən meşə yanğınlarının əhatə dairəsi genişlənir.

Teleqraf.com xəbər verir ki, bu barədə “BBC” məlumat yayıb.

Ştatın Pasifik Palisades adlı hissəsində başlayan yanğın bir neçə saat ərzində 10 hektardan 3 min hektaradək ərazini cənginə alıb.

Küləkli hava yanğının daha geniş ərazilərə yayılmasına şərait yaradır.

Vəziyyətlə əlaqədar 30 mindən çox insanın təxliyəsi əmr olunub.

Bölgədəki 13 min binanın təhlükə altında olduğu bildirilib.

Los-Ancelesdə təxminən, 200 min insan işıqsız qalıb

Qeyd edək ki, meşə yanğınları ilə əlaqədar Los-Ancelesdə fövqəladə vəziyyət elan edilib.