Avropa Parlamenti Gürcüstanla bağlı müzakirələrə başlayır

Bu gün Avropa Parlamentində Gürcüstanla bağlı müzakirələr aparılacaq.

Teleqraf.com-un yerli bürosu xəbər verir ki, debatların mövzusu Gürcüstan və Belarusda “siyasi iğtişaşlar və davam edən repressiyalar”dır.

Debatlar Tbilisi vaxtı ilə saat 16:00-a təyin olunub.

Avropa Parlamentində müzakirələrlə yanaşı, AŞPA-nın yanvarın 27-də keçiriləcək qış sessiyasının ilk günündə Gürcüstanda parlament seçkilərinin qiymətləndirilməsinə dair hesabat da təqdim ediləcək.

Qeyd edək ki, Avropa Parlamentində Gürcüstanla bağlı son müzakirələr ötən ilin noyabrında baş tutub və ölkə əleyhinə qətnamə qəbul olunub. Gürcüstan hökuməti ölkə ilə bağlı bütün qətnamələri dəyərsiz kağız parçası hesab edir.