Pentaqonun yeni rəhbəri ingilis həmkarı ilə Ukrayna məsələsini müzakirə etdi

Pentaqonun yeni rəhbəri Pete Heqseti və Böyük Britaniyanın müdafiə naziri Con Healey ilk telefon danışığında Ukrayna münaqişəsini müzakirə ediblər.

Teleqraf.com xəbər verir ki, bu barədə "Sky News" telekanalı məlumat yayıb.

Nazirlər döyüş hazırlığının artırılmasının zəruriliyini, Birləşmiş Ştatlar və Böyük Britaniyanın ümumi məqsədi olan güc vasitəsilə sülhü müzakirə ediblər.

Britaniya Müdafiə Nazirliyinin rəhbəri öz növbəsində Heqseti yeni vəzifəyə təyin olunması münasibətilə təbrik edib və Vaşinqtonda baş vermiş təyyarə qəzası ilə bağlı başsağlığı verib.