2 İyul 2017 12:30
625

Sabah Kiyevdə NATO Parlament Assambleyasının 95-ci Rouz-Rout seminarı keçiriləcək.

Teleqraf.com xəbər verir ki, seminarda Milli Məclisin deputatları Məlahət İbrahimqızı və Kamran Bayramov iştirak edəcəklər.

Ukrayna Ali Radası ilə birgə keçiriləcək “Təhlükəsiz, sabit Ukraynaya doğru və Qara Dəniz regionu” adlı bu tədbir 6 sessiyadan ibarət olacaq. Sessiyalarda Rusiya, NATO və Qara Dəniz regionu, NATO-Ukrayna Xartiyasının 20 illiyi, Donbasda humanitar və hərbi vəziyyət, Krımda siyasi və insan hüquqları, Ukraynanın islahat gündəliyi və daxili çağırışlar, Ukrayna-NATO inteqrasiyası, Qara Dəniz regionunda inkişafın dəstəklənməsi, Moldovada siyasi və iqtisadi vəziyyət və digər mövzularda müzakirələr aparılacaq.

Azərbaycan parlamentinin deputatları gündəlikdəki məsələlərlə bağlı çıxışlar edəcək, qeyd və təkliflərini bildirəcək.


Müəllif: Cavad