Masallıda avtomobilin vurduğu tələbə hadisə yerində vəfat etdi

Masallıda universitetdən qayıdan tələbəni avtomobil vurub.

Teleqraf.com-un cənub bürosu bildirir ki, hadisə Masallının Təzə Alvadı kəndində baş verib.

Belə ki, kənd sakini Aylin Məmmədova axşam saatlarında universitetdən evə qayıdarkən marşrutdan düşüb.

Yolun qarşı tərəfinə keçərkən əks tərəfdən gələn mikroavtobus onu vurub. Tələbə aldığı xəsarətlərdən hadisə yerində ölüb.
Qeyd edək ki, Aylin Məmmədova Lənkəran Dövlət Universitetinin 2-ci kurs tələbəsi olub.

Faktla bağlı cinayət məcəlləsinin müvafiq maddəsi ilə cinayət işi açılıb, araşdırma aparılır.