ABŞ-dəki yanğınlar zamanı məşhur idmançının bütün kubokları oğurlandı

Tennis üzrə olimpiya çempionu Pam Şrayver Los-Ancelesdəki yanğınlar zamanı quldurluqla üzləşib.

Teleqraf.com xəbər verir ki, bu barədə "ESPN" kanalı məlumat yayıb.

Məlumata görə, idmançının yanğın zamanı ABŞ Açıq Çempionatında qazandığı beş mükafat, beş Roland Qarros və bir Avstraliya Açıq kuboklarını yüklədiyi maşını oğurlanıb.

“İndi mənim ailəm cinayətin qurbanına çevrilib. İnsanların belə çətin vəziyyətə düşdüyü vaxtlarda belə bir cinayətlə üzləşməsi çox üzücüdür” - idmançı deyib.

İdmançı artıq hüquq-mühafizə orqanlarına müraciət edib.

Şrayver 1991-ci ildə Panamerika Oyunlarında üç qızıl medal qazanıb. İdmançı karyerasını 1994-cü ildə başa vurub.