"Milan"ın futbolçusu "Yuventus"a keçə bilər

İtaliyanın "Yuventus" futbol klubu "Milan"ın müdafiəçisi Fikayo Tomorini transfer etməkdə maraqlıdır.

Teleqraf.com xəbər verir ki, Turin klubunun baş məşqçisi Tyaqo Motta bu keçidin əsas təşəbbüskarlarındandır.

İtaliya mətbuatına görə, "Qoca Sinyora"nın əsas transfer hədəfi məhz Tomoridir. Artıq klublar arasında danışıqlara başlanıldığı bildirilib. Futbolçunun transfer dəyəri 22 milyon avro olaraq qiymətləndirilir.

Qeyd edək ki, Tomori cari mövsümdə 15 oyunda forma geyinib.