Benites "Real"ın taktikasını dəyişir

Hücumçular bilirlər ki, onlar hücum zamanı sərbəst olmalıdılar və müəyyən dərəcədə müdafiəyə də kömək etməlidilər.

Teleqraf.com-un məlumatına görə, "Real"ın baş məşqçisi Rafael Benites qeyd edib ki, Qaret Beylin zədəsi ilə əlaqədar komandanın taktikasını dəyişə bilər. Bu dəyişiklikdə əsas yenilik Kriştiano Ronaldonun hücumun mərkəzində oynaması olacaq.

Bu barədə "Daily Mirror" nəşri məlumat yayəb. Benites açıqlamasında bunları dilə gətirib:

"Ronaldonun mərkəzə keçidi mümkündü. Cinahda başqa futbolçu çıxacaq, amma Kriştiano mərkəzdə hərəkət edəcək. Mən onunla taktika haqqında tez-tez söhbət edirdim.

Hücumçular bilirlər ki, onlar hücum zamanı sərbəst olmalıdılar və müəyyən dərəcədə müdafiəyə də kömək etməlidilər. Ronaldo bütün mövqelər üzrə yerini dəyişə bilər, əsas odu ki, bu, komanda üçün effektiv olsun".

Qaret Beylin oktyabrın 4-də "Atletiko" ilə keçiriləcək Madrid derbisinə qədər yaşıl meydanlardan uzaq qalacağı bildirilir.

Rüstəm