Neft ucuzlaşır

Dünya bazarlarında neftin qiyməti sürətlə ucuzlaşır.

Teleqraf.com xəbər verir ki, ICE London qitələrarası birjasında Brent markalı neftin qiyməti 3,21% azalaraq bir barelə görə 46,39 dollar olub.

Nyu-Yorkun NYMEX əmtəə birjasında keçirilən elektron ticarət əməliyyatlarının gedişində isə WTI neftinin qiyməti 1 barelə görə 3,05% ucuzlaşaraq 44,54 dollara satılıb.

Qeyd edək ki, sentyabrın 28-də Əlcəzairdə OPEK ölkələrinin qeyri-formal görüşü keçiriləcək. Gözlənilir ki, iclasda neft hasilatının dondurulması məsələsi yenidən gündəmə gətiriləcək.