3 May 2021 22:27
815
12 Punto 14 Punto 16 Punto 18 Punto

Alman hava yolu şirkəti “Lufthansa Group” ilk rübdə xalis zərərinin 1,05 milyard avroya qədər azaldığını açıqlayıb.

Teleqraf.com xəbər verir ki, şirkət zərərin koronavirus (COVID-19) epidemiyası səbəbindən qlobal səyahətə qoyulan məhdudiyyətlərdən qaynaqlandığını bildirib.

“Lufthansa Group”un açıqlamasına görə, keçən ilin birinci rübündə 6,4 milyard avro olan gəlir 2021-ci ilin birinci rübündə 2,6 milyard avroya düşüb.

2020-ci ilin eyni dövründə şirkətin zərəri 2,1 milyard avro olmuşdu.

“Lufthansa”nın əməliyyat xərcləri yanvar-mart aylarında 2020-ci ilin eyni dövrünə nisbətən 51 faiz azalaraq 4 milyard avro olub.

Qeyd edək ki, “Lufthansa” COVID-19 səbəbindən iflas nöqtəsinə gəlmişdi. Alman hökuməti 2020-ci ilin iyun ayında 9 milyard avroluq xilasetmə paketi təqdim edərək şirkəti iflasdan qurtardı.

Şirkət hava nəqliyyatı sektorundakı tələbin azalması səbəbindən 22 mindən çox işçisini ixtisara salacağını açıqlamışdı.


Müəllif: Yeganə Oqtayqızı