Bazardakı kriptovalyutaların ümumi dəyəri nə qədərdir?

Bazardakı bütün kriptovalyutaların, xüsusilə bitkoin və ethereumun ümumi dəyəri inanılmaz həddə çatıb.

Teleqraf.com “CoinGecko”ya istinadən xəbr verir ki, siyahıda olan bütün kriptovalyutaların ümumi bazar kapitallaşması 3 trilyon dollardır.

Bitkoin və ethereum müvafiq olaraq 66 000 və 4 790 dollardan yuxarı rekord həddə çatıb. Kumulyativ bazar kapitalına gəldikdə, bu il ardıcıl olaraq üç mərhələ keçib: 7 yanvarda 1 trilyon dollar, 6 apreldə 2 trilyon dollar və bu günə qədər 3 trilyon dollar.

Ümumilikdə 10 418 kriptovalyuta haqqında məlumat var. Bu kriptovalyutaların hər biri bitkoin və ethereumun müvafiq olaraq 1,24 trilyon və 567 milyard dollarlıq bazar kapitalı ilə yeni məcmu bazar kapitalına töhfə verir.

Son günlər solana və polkadot kimi digər böyüyən kriptovalyutaların dəyəri də yüksəlir.

Bəzi analitiklər bitkoinin ilin sonuna qədər 75 min dollara çatacağını proqnozlaşdırırlar.