17 May 17:53
384
12 Punto 14 Punto 16 Punto 18 Punto

SOCAR-ın 2035-ci ilə qədər korporativ inkişaf strategiyasına uyğun olaraq, Azərbaycanda təbii qazın qəbulu, nəqli və satışı sahəsində biznes fəaliyyətinin təkmilləşdirilməsi, optimallaşdırılması, əməliyyat səmərəliliyinin artırılması, habelə optimal əməliyyat modelinin yaradılması məqsədi ilə SOCAR “Azəriqaz” İstehsalat Birliyi ilə BCG (Boston Consulting Group) şirkəti arasında işçi görüş keçirilib.

Bu barədə Teleqraf.com-a İstehsalat Birliyindən məlumat verilib.

Görüşdə ölkəmizdə təbii qazın qəbulu, nəqli və satışı sahəsində əməliyyat funksiyaları, vəzifə bölgüsü, respublikada qaz təchizatı sahəsinə aid qanunvericilikdə və digər normativ-hüquqi aktlardakı yeniliklər barədə fikir mübadiləsi aparılıb. Görüş zamanı, həmçinin tərəfləri maraqlandıran digər məsələlər də müzakirə predmeti olub.


Müəllif: Yeganə Oqtayqızı