Türkiyəli ifaçıdan gözlənilməz iddia: “Adel mənim qızımdır”

Türkiyənin Bodrum şəhərində yaşayan saz ustası və türküçü Mehmet Asar gözlənilməz açıqlama verib.

Axşam.az-ın Türkiyə mətbuatına istinadən məlumatına görə, 52 yaşlı ifaçı dünya şöhrətli müğənni Adelin atası olduğunu iddia edir.

O, 1987-ci ilin iyulunda Bodrumda tətil edən bir qadınla birlikdə olduğu və həmin qadının növbəti ilin mayında Adeli dünyaya gətirdiyini deyib: "Həmin zaman taksi sürücüsü idim. Penni Adkins və dostlarını iki həftə gəzdirdim. İki həftə boyunca Penni ilə birgə oldum. Sonra İngiltərəyə qayıtdı. Daha sonra iki dəfə Bodruma gəldi, bir ay qaldı. Məni də özü ilə aparmaq istədi, getmədim... Sonra bir müddət əlaqə saxladıq. Daha sonra əlaqəmiz itdi. Anası ilə tanış olduğum dövrlə Adelin doğum tarixi üst-üstə düşür...

Qadını görəndə tanıdım, şok oldum. Sonra Adelin hərəkətlərinə diqqət edəndə çənə, göz, üz quruluşu, saçlarındakı oxşarlığı, konserti zamanı sağ əlini qaldıranda 3 və 4-cü barmaqlarının bitişik olduğunu gördüm. Mənim də əlimdə elədir. Ayrıca mahnıdakı vurğular da mənim ifamdakı vurğulara oxşayır. Bu da genetik ola bilər".