Türkiyəli məşhur müğənni vəfat etdi

Türkiyənin məşhur müğənnisi, bəstəkar, kinorejissor və aktyor Fərdi Tayfur vəfat edib.

Teleqraf.com xəbər verir ki, bu barədə türk mətbuatında məlumat yayılıb.

Məlumata görə, o, Antalyada dünyasını dəyişib. Qeyd edək ki, müğənni buradakı xəstəxanada müalicə olunurdu.

Bir neçə dəfə mükafat qazanan müğənni bəstələdiyi musiqilərlə məşhurlaşıb, eyni zamanda bir sıra filmlərə çəkilib. O, 60-dan çox musiqi albomu buraxıb və 41 film çəkib, 35 mükafat qazanıb. Eyni zamanda özünün səsyazma şirkətini yaradıb.