Dünyanın ən böyük hava limanının tikintisi başa çatdı

Çinin paytaxtı Pekində dünyanın ən böyük "Dasin" beynəlxalq hava limanının tikintisi başa çatıb.

Teleqraf.com-un məlumatına görə, dünyanın ən böyük hava limanının tikintisinə 60 milyard dollara yaxın vəsait xərclənib.

"Qızıl simurq" formasında yalnız bir terminalı və 1 milyon kvadrat metr ərazisi olan hava limanının açılışı sentyabrın 30-una nəzərdə tutulub.

Qeyd edək ki, "Dasin" hava limanı Pekinin cənubunda, şəhərin mərkəzində 46 kilometr aralıda yerləşir. Hava limanın tikintisi 2016-cı il 15 mart tarixində başlamışdı.