YAP vahid seçki fonduna daxil olan ilkin vəsaiti açıqladı

Yeni Azərbaycan Partiyası (YAP) bələdiyyə seçkiləri ilə əlaqədar vahid seçki fonduna vəsaitin daxil olması və xərclənməsi barədə ilkin maliyyə hesabatını açıqlayıb.

Teleqraf.com xəbər verir ki, ötən ilin dekabr ayının 24-dək olan vəziyyətə görə, fonda 126.000 manat vəsait daxil olub.

Xərclər barədə isə məlumat qeyd olunmayıb.

Xatırladaq ki, Azərbaycanda bələdiyyə seçkiləri yanvarın 29-da keçiriləcək. Seçkilərdə 16 min 148 nəfərin namizədliyi qeydə alınıb. 23 siyasi partiyanı təmsil edən namizədlərin ümumi sayı 8 min 429 nəfərdir. Həmçinin 25 min 685 müşahidəçi də akkreditasiyadan keçib. Yanvarın 6-dan start götürən seçkiqabağı təşviqat kampaniyası yanvarın 28-i saat 08:00-da başa çatacaq.