Baydenin oğlunun dörd milyon dollarlıq evi yandı

ABŞ-ın hazırkı prezidenti Co Baydenin oğlu Hunterin 4 milyon dollarlıq evi Kaliforniyada baş verən güclü yanğınlar nəticəsində tamamilə yanıb.

Teleqraf.com xəbər verir ki, bu barədə "The Daily Mail" məlumat yayıb .

Qeyd edək ki, Kaliforniya ştatının Pasifik Palisades bölgəsində başlayan meşə yanğını güclü küləyin təsiri ilə daha da sürətlə yayılaraq yaşayış məntəqələrinə keçib.

Yanğın nəticəsində 1200 hektardan çox ərazi külə dönüb. Yanğınsöndürmə briqadaları alovları nəzarət altına almağa çalışıb, təxminən 30 min nəfər üçün təxliyə əmri verilib.